Digital Synthesis @ Hotel Sredno Vodno Review

Синоќа т.е. ноќеска едноставно останав без зборови. Журката беше крш и тотално лудило. Оддамна не паметам ваква журка, на која што и беа погодени сите елементи. Но, ајде да почнам со ред.

1.Музика- Морам да признам дека бев ептен позитивино изненаден од звездата на вечерта, гостинот од САД, црномурестиот Mubali. Типот беше феноменален. Професионално си го одработи live настапот, односно тие 3 часа додека беше он ми пројдоа за миг. Имаше воспоставено совршена комуникација со публиката. За време на настапот на нашите артисти, и тие пред него и тие после него, Mubali играше со останатата публика. Беше разигран помеѓу нас, рамноправно фаќајки го ритамот на psytrance. На гостинот од Чешка, не се сеќавам баш многу, sorry my bad. Што се однесува до нашите момци, чиста десетка. Оваа журка беше уште еден доказ дека имаме одлични psytrance артисти. Браво.

2.Место - Бев скептичен во поглед на местото на одржување на журката (кога прв пат прочитав, си реков wtf? хотел средно водно?!). Но погрешив. Местото го бендисав, добро беше адаптирана салата за ручек во dance hall. Не беше кој знае колку големо, но беше пристојно. Во секој случај, барем 3 пати подобро од МКЦ и тоа мракоината што владее таму.

3.Луѓето - И тука бев пријатно изненаден. Народот беше генерално ОК. Ме зачуди тоа што бројот на “страшните фаци“ (карактеристични за psytrance журките кај нас) не беше така голем и страшен, процентуално гледано од целата маса. Тука мора да додадам нешто и за девојчињата. Повторно десетка. Ги немаше оние страшните цури од psytrance журките, туку девојчињата си беа супер, како да сте во летното Колосеум. (ова најверојатно се должи на фактот, што најголем процент од нив беа на возраст од 17 до 21 година, па немале време да станат страшила)

4.Организација - Одлична. Без гужви, без проблеми и инциденти. Толерантни претставници на законот што значи дека се појавија внатре во 06.30, иако журката беше најавена да трае до 07.00. Но нејсе. И така беше време за дома.

Така да, генералната оценка ќе ја добиете ако ги соберете точките од 1 до 4.